17/5

今日係daddy's birthday~~~~~happy birthday....

由尋晚開始.....好唔舒服...個肚不時忍忍作痛~~=.="令我體會到....有健康既身體係最重要....到今日...都係好痛~~差d去唔到補習~.....有時..小小病係一種幸福...我會知道邊個先係最關心我...最搞笑係daddy...今朝見我訓左o係廳好唔舒服...但最後佢都係出左門口返工....我以為佢唔理我....但係唔夠2個鐘...電話來電係佢公司....佢問我有冇事....一點左右仲返左黎話買左野比我食~感激!!亦都回想返自己...平時佢有病..我連一句問侯也沒有~~反而....我最想佢問侯我果個人佢都冇問侯我...因為我o地兩日冇聯絡...每次都因小小事就吵架....真心淡了=.="傑一路上堂一路同我sms....係咁叫我拿佢d錢去睇醫生~最後我都冇睇到....5點去左補習...同佢做剪報...補完習仲同個小學生傾左陣....見到佢屋企有d公仔牌....拿黎同佢玩左一陣...佢都好cute架~~走果時仲撞到佢daddy...同佢say hi...呵呵!!一路返家同傑傾電話....佢係咁叫我唔好講野咁快....咁會冇晒氣..個肚又會痛wor=.=""play...><"

夜晚都係o係度睇小說...因傑的哥哥借了林詠琛的小說給我看...我喜愛看小說~~因為可以從這裹領略更多人生的道理....又可以令我投入...唔駛亂諗野~~夜晚再傾電話....傑同佢既哥哥成日講笑....講埋d核突野....傑講起咩.."假月經"...佢亞哥話:"...下..咁我咪好危險...".....之後傑仲笑佢:"下..你果d唔係叫月經...你果d係pat pat流血o者"~~哈哈~~好白痴~~佢兩個小子一唱一和....激死我!!

16/5

今日一早起身...傑黎幫我整電腦...到佢黎到...我仲係著住d屋企衫...頭又未梳..因為都係o岩o岩起身~~原來佢買左大家樂早餐比我食..太美好..!!我至愛牛扒早餐~咁我比返錢佢之後食左~then我坐左o係梳化等佢整機..一路睇下電視咁..到12點左右佢就走了!!because佢其實要返學~我又繼續訓返~~醒左...竟然收到佢個sms..話佢放左$520 o係我個袋度~$500係佢驚我唔夠錢駛..$20係我比佢既早餐錢=.=""白痴~我不嬲都夠錢用..唔好傻啦~

近排有一首歌好好聽的..我覺得...

愛你還愛你

等你有日能抽空
大家趁事情未凍
而心也仍然未太痛
我想講出口
彼此各有所夢
誰令你更器重
當初嫣紅漸化灰燼
等你確實還不懂
認輸禮物還是免送
恐怕突然未夠勇
對你講不出
因他你已心動
還是撤退任你造美夢
別來相送
輕輕的走
連雲彩一片也沒帶走
以免你要
記起我略略難受
無謂記起可否接受
我怕不捨
然後盼你問候
想你但愛著你還愛著你
但放棄理論因不想逼你
我很想嬲你
但是太自覺怕變小器
舊日我或太盡力遊戲
明白你也就原諒你
出走是最後
最後去就你
Wo?
用我器量痛苦去寵你
讓你生活前度就忘記
瞞著你
I'll be missing you

13/5

尋晚4點幾都訓唔著...唉!!成日都諗埋晒D唔應該諗既野..=.=""自尋煩惱!!今朝HUNG放7:30...我10點半左右過左去~~本來其實係呢幾日都嗌緊交......我去到係鬧左佢幾句..仲要慢慢同佢講道理..佢有時真係好易嬲..好鬼小器..成日都諗埋一邊..之後我仲駛出絕招..果然佢真係即刻同我講:"我O地邊有隔夜仇呢"..=.="..不過最後都冇乜野~原來佢又買左新電話...研究左一陣...12點左右訓著左...之後我9點醒了...同醒佢同我一齊睇左陣電視..再去左銀座買波....果時已經10點幾...今晚又食扒..食完我就去左櫃員機拿錢...Hung企o係我隔離話要睇下我有幾多錢...不過我冇比佢睇...幾個月前比佢睇過下o既..之後佢仲笑我唔知拿錢黎做乜...根本我出街就係唔駛用錢..=.=""其實我拿錢係諗住聽晚同屋企人去食飯比錢..同埋其實而家剩返好少錢..廢事佢又煩..又話要轉帳比我...自己慳d仲好!!之後慢慢行返home..睇左陣電視..佢就話好累訓陣先...我自己咪繼續睇電視..一路上網..玩左陣msn..咁本身佢個wallet同電話放左o係電腦果邊...我見佢個電話新買咪拿黎睇下有咩功能..其實真係唔知話check d咩..我一路都冇試過check..因為我覺得..如果一個人係好好地..唔駛check呢d野都可以自律..如果衰既話..check左都冇用..醒既咩都識delete..蠢既..你check左咪自己傷到自己囉!!好似我而家個電話有得sms密視既...本身我有500幾個sms...但係我顯示得10幾個...今晚睇佢電話..睇到好耐以前我send比佢果d sms..原來我每逄send d長既sms比佢..佢一直都有留住..特別係嘈交果陣...我話佢點唔好點唔好...真係跟住我講既野去改..    最後我4點幾訓左...

14.5

今日朝早7點幾...佢已經醒了!!冇幾耐佢係咁整醒我...我o地o係度一路睇雜誌..一路睇演唱會..差唔多9點左右..我就提議去唱k...之後沖涼換衫出去...o係樓下買左d野飲..又o係街市買左d雞翼..勁好食...我o地一路等車一路食..去到元朗neway都未開...等左陣就入左去唱...唱完我搭車返home..好累..訓左陣...就去補習...之後就同屋企人去左食飯..慶祝母親節...^^""最好笑..食完行過機鋪..我同家姐都想入去..我o地叫埋dad..mum去玩..dad本來想入..但佢又話冇野o岩佢玩=.=""最後大家都冇入去玩~~返屋企傾電話仲好~~今日都幾開心~!

呢兩日唔計搭車..剩係計駛費..我剩係駛左$4...=.="

7/5

今日下午去到補習..好搞笑..個細佬開始同我熟..咁o岩教緊佢加減數...我問佢一個問題:"哥哥係23歲..弟弟細佢6年.."..其實條數仲未完結...之後我逐步教佢計..我首先問左佢弟弟係幾多歲..佢諗下諗下...最後答我:"43歲"..嘩!!當時我真係勁想笑~~=.=""之後去左apm同家姐&佢bf打機..差唔多打完..我冇等佢o地..自己走了!!廢事做電燈膽=.="我自己搭搭下車..hung打黎...我話o岩o岩同完家姐佢o地打機.點知hung同我講:"點解唔同佢o地一齊走呀...你應該攝埋去佢o地中間..之後拖住佢兩個呀嗎.."勁無奈..擺明搞get...返屋企食飯...點知家姐同佢男朋友搭地鐵快過我搭bus..佢o地已經返左~之後食飯..今晚都幾開心!!因為mum近排學跳舞...so仲跳比我o地睇=.=""之後dad仲要勁串咀..同埋其實同家姐bf都幾熟了..因為之前我已經同佢唱過通宵k..又同佢食過幾次飯...10點幾..家姐男朋友走了...我玩左陣電腦...hung打黎話佢差唔多收工..叫我o係天水圍等佢..之後我o地都返左home...我繼續o係房追劇集..而佢就食飯沖涼果d...之後我o地又討論下波經...夜晚4點幾先訓。因為我o地聽日要9點起身唱k..so臨訓我叫佢較鬧鐘...條死仔話佢9點自然識醒..唔肯較..

8/5

一訓醒..已經係12點幾..不過我仲要懶床...之後佢拍醒我..叫我快d起身~~因為近排佢大伯間屋裝修..我知道佢大伯而家o係佢home住..不過佢大伯返夜的..朝早先返黎..之後hung話多數佢大伯返黎會衝入去佢間房...仲話如果一陣見到佢大伯記得叫聲uncle=.=""之後我好快咁起身..裝身..出門口...同hung去左元朗shopping..臨出門口..hung好苦惱咁話佢間房好亂..之後我講左一句:"你間房咁亂...又唔係我整"...之後佢話:"我知唔係你整..不過咁你可以執架嗎..我鍾意我女朋友幫我執野.."..之後我話:"係呀~~我都鍾意我男朋友幫我執野..我屋企成間屋都好亂..仲有個廁所未洗..你係咪一陣幫我去黃大仙執o者.."..之後佢扮聽唔到..我o地去食完野...買完波...之後去左買野..買左個袋...再去睇電話.."之後我就走..因為趕住去觀塘補習...6點半補完...

11/5

今日唔開心!!尋日send左個sms出去...好多野收都收唔返...我好憎人o地對我愛理不理咁...><"但係今日收到個sms...佢話佢唔係...只係佢嬲我前幾日既少少野!!男人...真係唔得罪得...有d真係好鬼小器!!就係因為佢咁小器..我又有d火...咁就..=.=""算!!我唔想同佢再講任何野~~~休息幾天吧!!5點去了補習..個仔仔有時真係好可愛...愈黎愈多野同我講..hahahaha^^""今日就咁過去...

5/5

今日訓到點幾鐘...冇野好做...=.="玩左陣電腦...睇下戲....秋雲打黎..同佢傾左陣...真係好耐冇見^^"原來我連佢既電話都唔見埋...對唔住呀!!之前唔見左電話...咩電話都冇晒...!!

6點幾又訓返覺...到食飯....食完飯冇幾耐...同Hung傾電話...不過其實佢返緊工...之後約左佢放工o係邊度等就換衫....11點半搭車返天水圍...o係車站等埋就去左食宵夜....之後去左seven....我o地買左d薯片..野飲咁....就返左去....

返到佢home....間房勁亂...d遊戲機玩完周圍放.....我好難先搵返自己個枕頭..頂...原來佢平時將我個枕頭做攬枕......咁我o地係咁執係咁執...之後開電腦睇下d波...一路睇一路食薯片....之後我自己坐o係度睇雜誌.....臨訓我o地拿d gucci出黎研究,對花...好白痴...最後成4點先訓=.=""

5月6日

今日12點鐘左右...Hung'mum個鬧鐘係咁響...我o地好累!!我o地你推我讓咁叫大家去熄鬧鐘!!如果佢屋企好似我屋企咁細我就會去...但係佢屋企大我屋企起碼2倍半...so我踢左佢出去...佢熄完返黎訓唔著係咁嘈...不停講野都冇人應佢架....不過最後大家都醒了....咁開始換衫出去...去到銀座...陪佢去買波...之後想食野....但間間野都full晒...=.=""最後去左阿一度食..今日出了尖咀行街...行了海旁...新世界中心...sogo...新港中心...海港城...也行到昔日工作的一壽司對面....o係尖咀附近見到亞勤..佢一定係又遲左起身返工啦=.=不過佢見我唔到...廢事叫佢啦...夜晚我o地食左巴西燒烤...不錯^^"最後返了黃大仙...

今晚之後...突然有個決定了.....^^""老是睡不著!!